تخصص
الشركات والاستثمار
تأسيس وهيكلة، اتفاقيات مساهمين، زيادة رأس المال، ودخول وخروج الشركاء.
الهيكل اللي بيتبني بسرعة في البداية هو اللي بيتكلّف تعديله أضعاف بعد دخول مستثمر. بنراجعه قبل ما يتبني، وبنشتغل على الورق اللي بيحكم العلاقة بين الشركاء من أول يوم.
اللي بنشتغل فيه هنا
- تأسيس الشركات بأشكالها القانونية المختلفة واختيار الشكل المناسب للنشاط
- اتفاقيات المساهمين والشركاء: الأغلبيات، حق الاعتراض، ونقل الحصص
- زيادة وتخفيض رأس المال وتعديل النظام الأساسي
- دخول المستثمرين وإجراءات الفحص النافي للجهالة
- خروج الشريك وآليات تقييم الحصة
- الاندماج والاستحواذ وإعادة الهيكلة
إزاي الشغل بيمشي
- قراية النشاطبنفهم الشركة بتعمل إيه فعلاً قبل ما نقترح شكل قانوني.
- الهيكل والورقبنحدد الشكل، ونكتب النظام الأساسي واتفاق الشركاء مع بعض مش كل واحد لوحده.
- الإجراءاتالتسجيل والقيد والتعديلات بتتم ومتابعتها بتوصلك مكتوبة.
- المتابعةأي تعديل بعد كده بيترجع لنفس الورق، فالتاريخ كله في مكان واحد.
أسئلة بتتسأل كتير
أنسب شكل قانوني للشركة إيه؟
مفيش إجابة واحدة — بتختلف بعدد الشركاء والنشاط وخطة التمويل. بنقول رأي بعد ما نفهم الحالة.
اتفاق الشركاء ضروري لو إحنا أصحاب؟
خصوصاً لو أصحاب. الاتفاق بيتكتب وقت ما الدنيا كويسة عشان يشتغل وقت ما تتعقّد.
بتشتغلوا مع شركات ناشئة؟
أيوه، وبنراعي إن التكلفة تبقى على قد المرحلة.
تخصصات تانية
المحتوى هنا للتعريف بمجالات عمل المكتب، ومش استشارة قانونية ولا وعد بنتيجة. كل حالة بتتقرا لوحدها.